ابو ذيات 5

من طرف **The Sniper** الثلاثاء يونيو 01, 2010 4:41 pm

العشك منه استراحه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه

حبيبي الليل ما نامه وهم بيك
شجاك شغيرك عني وهم بيك
العواذل ما رعوا حبنه وهم بيك
تدري شصار جابولي الاذيه

وحق من كبرك يسمر ونماك
لساني بسوء مامسك ونماك
صرت بالحب ابوك انه وانماك.....انه امك
شجاك تغير اطباعك عليه

عــراق انــه لهــمـومك سلة سلني
وبـسـك من دخـيلك سلة سلني
ســيف وعـالمـنايا سلة سلني
واسحگ بــية كـل روس الردية

ردت مره على كيفك منك ابسل
وروحي تالي طلعت منك ابسل
ولك تدري شسوي من اكبسل
ادج روحي واكولن حيل بيه

سلطانك وصل للضيم خايب وصه بيه
انه بطيبي الصبي شاهد والصبيه
عابر سبيل احسبني ربك وصه بيه
وفك حبال ظيمك من اديه

كلبي مااختلف طبعه و لا دار
و ذهب ماهمني بعدك ولا دار
حبيبي لا وطن عندي ولا دار
وبس اعيونك بيت اتصير اليه

شمس شخصك شهب شعشع شمايل
شبه شامة شمع شايل شمايل
شمل شترك شجافيكم شمايل
شعوفنكم شمايلكم شجية

اريداخبط زميج الرمل والحر
وادور ع الصديج الوفي والحر
نخيت الله وابو الحسنين والحر
يحفط كل صديق يحن ل اخيه

تكل للناس عني انه ذاك
جنت بيه تتوسل انه ذاك
بعدني ولك خايب انه ذاك
اليشك حلوك لو طاح ابهبيه

بقه غامض سؤالي وياك منحل
وجسمي من السهر والليل منحل
ابشرك صرت بين الناس منحل
العسل حصتك وأنا اللسعات اليه

صرت دم المشه بداخل وريدك
ومثل متريد مشيني وريدك
فراقك حيل مرمرني وريدك
على اجروحي تدوس بلا خطيه

شفكن من هواكم بعد شفتك
وعلي طفر عسل من حجت شفتك
طحت كلي على كلي بيوم شفتك
دكظني مو طحت كلي عليه

تعال احسب بهمي عده انته
وقلبي شعده غيرك عده انته
ازعل الناس كلهه عده انته
لان زعلك يزعلني عليه

واله ايزعلني حيل يا {محكان الروح}

تحياتي

القناص