ابو ذيات 1

من طرف **The Sniper** الجمعة مايو 14, 2010 2:48 pm

اعطوني رئيكم بصراحة
متانيكم

مو معدن ذهب معدنك صفرين
وهذني رسوم وجهي عليك صفرين
انت واحد وانه مو صفر صفرين
عد يمناك حطني تصير ميه

حبيبي جروح الك بالروح حالن
وانه الجنت احسن من اليوم حالن
اريدك تنتخي وتمر حالن
باجر وين ماتلحك عليه
ابسواد العين يسمر من ترابي
اشعجب قلبك تغير من ترابي
انه ماضن ترابك من ترابي
حضنتك والعسل جلب بديه
قلبي الجان جفك ونته جفه
راح انجوز منكم ونته جفه
انه الميزان جفه ونته جفه
ادك روحي حته انت تعله عليه

اصدو ازعل وادير العين طبعن
لجن طبعات الك بالقلب طبعن
حلو بكلشي لاكن بيك طبعين
تشك وتغار من روحي عليه

صرت دم المشه بداخل وريدك
ومثل متريد مشيني وريدك
فراقك حيل مرمرني وريدك
على اجروحي تدوس بلا خطيه
شفكن من هواكم بعد شفتك
وعلي طفر عسل من حجت شفتك
طحت كلي على كلي بيوم شفتك
دكظني مو طحت كلي عليه
تعال احسب بهمي عده انته
وقلبي شعده غيرك عده انته
ازعل الناس كلهه عده انته
لان زعلك يزعلني عليه

(منقول)
THE SNIPER