تعرف على مدينة قضاء الحي

من طرف **اسد الله** الخميس مارس 04, 2010 3:06 pm

الحي مدينة جبيرة تحتوي في بدايتها وانت جاي من الكوت حي بسيط اسمه حي العسكري وبعدين يجي حي الحرية من جهة اليمنة لحي العسكري يعني اله تدخل لداخل الشارع الة تشوفة وتمشي على الشارع بعد ان تصعد الجسر يلاكيك حي العصري حي حلو واهلة ناس طيبين واذا دخلت للولاية يم البانزين خانة يوجد حي الزهراء طبعا بيوته كلش حلوة وتوب وبعديت تلاكيك يم البريد مركز الحي الي هي الولاية الي كل حياوي اصلة من الولاية وتعرف بالسراي وشارع الملحان وعكد الاكراد وغيرها
واكو حي المعلمين الثانية الي تصير يم مستشفى الحي العام ويم حي الحرية وحي الوحدة الي على الشط من جهة السوك والكرادة الي بذاك الصوب ومن تجي للامام سعيد بن جبير علية السلام وانت تعبر الجسر على ايدك اليمنى حي الشهداء وعلى ايدك اليسرى حي سعيد واكو وبعد حي سعيد اكو حي الاسرى واكو حي الامام الباقر وحي الستخدمين واكو خطوة الخضر ع في طريق سعيد بن جبير كما ويوجد مديرية تربية منعزلة عن الكوت ودائرة زراعة ودائرة مي ودائرة الكهرباءوجامعة الزهراء الاسلامية ومدينة الحي يحيط بها من كل جانب نهر دجلة الي يسمى نهر الغراف واسفة اذا نسيت البقية لان دخت
اعذروني

</B></I>